A pasada fin de semana celebrouse o Campionato de España de Circuíto de Patinaxe de Velocidade en Pamplona.
Os resultados acadados polos patinadores e patinadoras galegos foron un éxito:
Na categoría Junior Feminina, Andrea Boedo, do SCD Rabadeira, conseguiu dous Ouros nas probas de 100m sprint e 1 volta sprint ao circuíto.
En Senior Masculino, Chevi Guzmán, do Club Celta Patín, proclamouse campión de España de 100m sprint e Bronce na volta sprint.
Pola súa banda, tamén na categoría Senior Masculina, Manu Taibo, do SCD Rabadeira, levouse o Bronce na proba de 1500 eliminación.
A destacar tamén a Marcos Vicos, Javi Vicos e Xoel Vilariño, do SCD Rabadeira e Paula Portela, do Sada Patín, que lograron clasificarse entre os 10 primeiros en diferentes probas, ao igual que Raúl Couto, do SCD Rabadeira que, sendo Campión de España xuvenil, gañouse a invitación para competir na categoría Junior, logrando un excelente 6º e 8º posto.
Desde a FGP queremos darlles os parabéns a todos polos seus bos resultados.