O auditorio Abanca de Santiago de Compostela (A Coruña) acollía este martes 13 de novembro pola tarde a entrega das 26 distincións ao mérito deportivo que concedeu a Xunta de Galicia neste 2018. Entre os galardoados atopábanse dous árbitros internacionais de Hóckey sobre Patíns, Teresa Martínez Cancelo e José García Cabreros, que viron así recoñecida a súa lonxeva traxectoria deportiva da que ambos xa están retirados, aínda que Teresa mantén o seu contacto diario coa modalidade xa que actualmente é a responsable do comité de árbitros de Hóckey sobre Patíns da Federación Galega de Patinaxe, desde onde nos sumamos ás mostras de recoñecemento e felicitacións pola distinción acadada, froito do desenvolvemento ao longo destes anos polo seu labor. Parabéns!
#eupatino
