Esta semana darán comezo en Italia os World Skate Games coa participación de xuíces e árbitros galegos en diferentes modalidades.
Primeiro será a quenda de Isabel Rodríguez, árbitro de hóckey liña, para a competición junior feminina, do 29 de agosto ao 2 de setembro e a sénior feminina, do 3 ao 8 de setembro, ambas terán lugar en Roccaraso.
Isabel Rodríguez
Pola súa banda, Mario Calzas foi convocado como xuíz de patinaxe artística do 6 ao 22 de setembro en Rimini.
Mario Calzas
Novara acollerá as competicións de hóckey a patíns, co Campionato Sub19 Masculino e os dous Campionatos Sénior Masculino e Feminino.
Daniel Villar e Rubén Fernández son os dous árbitros galegos designados para estas competicións.
Daniel Villar estará no Campionato Sub19 Masculino, do 8 ao 14 de setembro, e nos dous Campionatos Sénior que se disputarán do 16 ao 22 de setembro.
Rubén Fernández participará nos Campionatos Sénior.
Daniel Villar e Rubén Fernández
Por último, Sonia Lago foi designada para arbitrar no Campionato de Roller Derby en Montesilvano, do 18 ao 23 de setembro.
Sonia Lago
A todos eles, desde a FGP, damoslles os parabéns por estas designacións e lles desexamos unha boa actuación.