O pasado mércores 17 de maio foi realizada a concentración-revisión de Só Danza dirixida polo técnico Brais Abad no Pazo dos Deportes de Arteixo. Á mesma foron convocadas tres patinadoras do CD Fervello (Verónica Longueira Rouco, Andrea Souto Pico e Andrea Murias Suárez) ademais de cinco do Alquimia (Enya Rodríguez Rodríguez, Andrea Castañeda Modia, Iria Cano Fariñas, María Bilbao Palomo e Ariadna Prego Casás).
As patinadoras do CP Vagalume, Paloma Fernández Gómez e Blanca Fandiño Carnero, están pendentes de realizala na provincia de Pontevedra, tamén baixo a supervisión de Brais Abad. Ditas sesións están previstas como preparación para o Campionato de España dos días 2 e 3 de xuño en Fuengirola.
