Lóstregos Norte proclamábase este domingo 15 de abril no pavillón Daniel Cordido Castro de Lugo campión da Copa Federación Infantil de Hóckey Liña, tras derrotar a Lóstregos Sur por 6-3. Os dous equipos do club organizador da competición solventaron con facilidade as súas semifinais disputadas pola mañá, ao derrotar os campións a Trasnos por 8-0 mentres os subcampións gañaban a A Guarda HL por 4-0.
Juan Álvarez, como capitán do equipo vencedor, recolleu o trofeo de campión que foi entregado por Óscar Manuel Romay, responsable do Comité de Hóckey Liña da Federación Galega de Patinaxe.
Ademais tamén se disputaron dous partidos da Liga Benxamín, un pola mañá no que Morcegos HL derrotaba a Lóstregos Olimpo XXI por 11-4 e outro pola tarde no cal Peque Lóstregos gañaba a Morcegos HL por 2-6.
#eupatino