O vindeiro sábado 17 de febreiro celebrarase o I Open Galego de Patinaxe de Velocidade na Pista Municipal de Bastiagueiro, Oleiros, de 11:30 a 18:30h. (se as condicións meteorolóxicas o permiten).
A competición contará coa participación de 107 patinadores e patinadoras de case todos os clubs galegos: SCD Rabadeira, ADC Alquimia Inline, Freestyle Slalom Vigo, Galicia Rollers e CD Celta Patín, coa excepción do Sada Patín.
Esta proba é a primeira competición da tempada, seguida pola Liga Nacional, que terá lugar a fin de semana do 24 e 25 de febreiro contando coa participación de varios equipos galegos.