A Selección Española de hóckey a patíns fíxose o triplete nos World Skate Games, levándose o Ouro nas categorías Absolutas, Masculina e Feminina, e a Sub 19 Masculina.
Os coruñeses César Carballeira, do Deportivo Liceo, e Nacho Alabart, do FC Barcelona, proclamáronse campións do mundo coa Absoluta Masculina na Final contra Argentina. O partido comezou cun gol de Carballeira no primeiro minuto. Tras outro tanto dos españois e un gol dos arxentinos, o partido remataba cun 2 a 1 con vitoria para a Selección Española, facéndose, por decimo oitava vez, co título mundial.
César Carballeira, do Deportivo Liceo.
Selección Absoluta Masculina.
Pola súa banda, a tamén coruñesa María Sanjurjo, xogadora do CP Fraga, proclamouse campioa do mundo coa Selección Absoluta Feminina. Por oitava vez, as españolas fixéronse co título de Campioas do Mundo xogando na Final dos WSG contra Portugal, na que remataron cun 0 a 2, co segundo gol a cargo de María Sanjurjo.
Selección Absoluta Feminina.
Nacho Alabart, María Sanjurjo e César Carballeira, xunto con Ignacio González, Vicepresidente da RFEP.
As vitorias de César Carballeira, Nacho Alabart e María Sanjurjo, xunto co triunfo de Jacobo Copa (do Deportivo Liceo) coa Selección Sub 19 a pasada fin de semana, demostran o gran momento do hóckey a patíns galego, con catro campións do mundo coruñeses.
Selección Sub 19 Masculina.
Desde a FGP queremos darlles os parabéns.
Fotos: RFEP; WSG