O pavillón Daniel Cordido Castro de Lugo, na sede conxunta organizada por CP Lóstregos Lucus e CHL Meigas, acollía este domingo 27 de maio a Final a 4 das categorías Senior Masculina e Infantil de Hóckey Liña na que se proclamaron campións os dous equipos do CP Lóstregos.
Na Senior Masculina, Lóstregos derrotaba a Lóstregos Master na primeira semifinal (9-1) e Cabuxos facía o propio na segunda con Brigantium por un máis axustado 5-7, sendo unha sorpresa a clasificación dos lugueses xa que Brigantium partía con máis opcións logo de rematar a fase regular na segunda posición empatado a puntos con Lóstregos, que na final vencía con claridade por 11-2 a Cabuxos.
Na categoría Infantil Lóstregos Norte impoñíase a A Guarda HL (8-1) mentres a segunda quedaba resolta a tan só tres minutos do remate do encontro a favor de Club Hóckey Feminino Meigas, que situaba o 3-2 definitivo ante Lóstregos Sur. Aquí si que os dous mellores da liga regular foron os que loitaron polo título, que era para Lóstregos Norte ao derrotar a Club Hóckey Feminino Meigas por 10-0.
Tamén houbo una Final a 4 de consolación en Infantil cos equipos clasificados nos postos quinto a oitavo da fase regular e onde Trasnos derrotaba a Galicia Rollers (11-0) nunha semifinal e Morcegos HL a ADC Alquimia Inline (6-2). Os ribadenses e os ourensáns xogaron a final B con Trasnos sendo moi superior a Morcegos HL (9-0).
[Fotos: CP Lóstregos Lucus]
#eupatino
