Dúas vitorias, unha delas ante o CPL Brigantium Arteixo que ademais era o segundo clasificado, dábanlle ao Lóstregos a primeira praza a falta da derradeira sede en Vigo o 28 de maio. De feito, esa derrota dos arteixáns na Sexta Sede da Liga Galega Masculina de Hóckey Liña, celebrada este domingo en Lugo, permite ao CHL Cabuxos recuperar momentaneamente a segunda posición despois de gañar os seus dous encontros, pero non sen certas dificultades, pois pola mañá derrotaba a Vigo Blue Ringed e á tarde a A Guarda HL, aínda que estes manteñen a cuarta praza que lles permitiría xogar as eliminatorias polo título, se ben Lóstregos Master conta con algunha opción moi remonta.
Con moitas cousas por decidir, o pavillón de Bouzas porá o derradeiro domingo de maio un excelente colofón a esta interesante e disputada liga regular da categoría Masculina.