Os xa finalizados World Skate Games de Italia 2024 tiveron unha gran representación de deportistas da Federación Galega de Patinaxe.
Na competición de patinaxe artística, que tivo lugar en Rimini, Joel Ribeiro, do CPA Gondomar, conseguiu o 5º posto da modalidade Solo Danza, en categoría Junior Masculina, coa puntuación total de 130.66.
Cabe destacar que Ribeiro tamén participou nos World Skate Games co Cuarteto Junior do CPA Gondomar «Secondary Effect», conseguindo o Ouro Mundial.
Pola súa banda, o CPA Ribex acadou o 6º posto na competición de Grupos Show Grandes con «Carpe Diem», cun total de 33.33 puntos.
A competición de Skateboarding celebrouse en Ostia, Roma. Julia Benedetti, do Maroña Indoor, competiu na Modalidade de Park Feminino, chegando a clasificarse para as semifinais, onde rematou no 10º lugar.
Desde a FGP queremos darlles os parabéns polos seus magníficos resultados.
Fotos: World Skate Games, Raniero Corbelletti, Comité Nacional Skate