Organizado por Irmandiñas Roller Derby, vaise celebrar este sábado 27 de xaneiro no pavillón de Elviña II un encontro aberto de 17:00 a 19:00 horas ao que estades todos invitados, xa que se necesita colaboración de cara a vindeiros compromisos, pois logo do enfrontamento entre os dous conxuntos que se formen haberá un “scrimmage” onde se explicarán todos os conceptos e fundamentos deste deporte de recente implantación na nosa comunidade autónoma. De feito, fannos unha serie de recomendacións ou consellos para que vos animedes:
– Podes ser árbitro con patíns en liña.
– Podes formar parte do equipo sen tocar os patíns, cunha función moi valiosa para axudar na pista como NSO.
– Non é necesario ter coñecementos sobre este deporte nin saber patinar para unirse ao evento.
Se queredes ampliar a información, podedes visitar este evento no facebook de Irmandiñas RD.
#eupatino