En varias sesións que se levaron a cabo este sábado e domingo (27 e 28 de xaneiro) dirixidas polos técnicos Mónica Deli e Leonardo Lienhard, celebrábase no pavillón do INEF de Bastiagueiro en Oleiros (A Coruña) a primeira Tecnificación de Patinaxe Libre da tempada, sendo esta unha toma de contacto inicial cos 24 patinadores e patinadoras convocados á mesma das categorías Alevín, Infantil, Cadete, Xuvenil, Junior e Senior. Divididos en varios grupos cunha distribución realizada por idades, as dúas xornadas deixaron un magnífico traballo realizado polos nosos deportistas, que ademais contaron co apoio dos adestradores e adestradoras que lles dirixen nos seus respectivos clubs ao longo de todo o ano.
#eupatino
