Campus Stellae representando “Saint and Sinner” e C. P. Axel Arteixo con “La mejor medicina” lograron os seus respectivos títulos galegos de Grupos Show nas categorías Júnior e Cuartetos de Patinaxe Artística, no transcurso do Campionato Galego que se celebrou o pasado sábado, 16 de febreiro, e por segundo ano consecutivo no pavillón municipal de Tui (Pontevedra) organizado polo C. P. A. Ríbex.
Foron once os grupos que participaron na categoría Júnior, convocada este ano por primeira vez pois ata agora estaba enfocada a patinadores e patinadoras en idade xuvenil. Tras os composteláns de Campus Stellae clasificábanse C. P. A. Condado de Salvaterra de Miño con “Vogue” e o C. P. A. Ríbex de Tui interpretando “¿Lo conseguimos?”.
Na categoría de Cuartetos, que contou coa partipación de catro clubes, o podio completárono C. P. Alquimia de Carral con “Ansias de poder” e Campus Stellae con “Addiction”.
Clasificacion-Campionato-Galego-Junior-Cuartetos
[Fotos: C. P. A. Ríbex, Campus Stellae e C. P. A. Condado]
#eupatino
