Dúas vitorias nas xornadas 2 e 3 é o balance que lle permite a Brigantium continuar invicto no Grupo A e sen ceder aínda ningún punto tras a Sexta Sede, disputada este domingo 11 de marzo no pavillón Daniel Cordido Castro de Lugo e organizada polo CP Lóstregos Lucus. Semella, polos resultados acadados, que os outros catro equipos se xogarán as tres prazas restantes para a Final a 4, sendo a priori A Guarda HL que o ten máis complicado pois só lle resta un encontro por xogar, na que descansarán na quinta xornada, polo que non dependen de si mesmos. O desenlace chegará na Séptima Sede na Coruña o 8 de abril
No que atinxe ao Grupo B, que iniciaba aquí a segunda fase da competición, Brigantium Beta sitúase na cabeza logo de ser o único que conseguía gañar ante ADC Alquimia Inline, xa que Morcegos HL e Vigo Blue Ringed empataban nun encontro marcado pola efectividade atacante.
[Fotos: ADC Alquimia Inline]
#eupatino
