Logo de disputarse nos dous fins de semana anteriores Finais a 4 das categorías Junior, Infantil e Senior, co HC Liceo proclamándose campión nas dúas de maior idade e o CH Compostela facéndoo na Infantil, este fin de semana será a quenda das dúas que restan, a Xuvenil e a Alevín, que xogarán os días 7 e 8 de abril no pavillón de Monte Alto de A Coruña, onde se decidirán os títulos autonómicos e os outros dous equipos que acomparán ao vencedor ás súas respectivas fases de sector.
Na Xuvenil, Club Compañía de María “A” foi o primeiro clasificado na liga regular, pero terá que demostralo ante HC Liceo, CH Compostela “A” e Club AA Dominicos. Os tres mellores, logo de enfrentarse todos contra todos, pasarán á fase de sector os días 13, 14 e 15 de abril, tamén en Monte Alto, cos tres clasificados de Asturias.
O mesmo sucederá cos clasificados da categoría Alevín, que terán a súa fase de sector en Oviedo nesas datas do mes de abril. CH Compostela “A” rematou na primeira posición tras a liga regular, aínda que deberá refrendalo este fin de semana nos seus enfrentamentos con HC Liceo “A”, Club Compañía de María “A” e Club AA Dominicos “A”, quen tamén loitarán polo título nun fin de semana que se presenta apaixoante e con moita emoción, no que haberá una xornada o sábado pola tarde a as outras dúas o domingo, tanto pola mañá como pola tarde.
Como é habitual, os partidos poderán verse na canle de YouTube de GaliciaNhockey.
#eupatino
