Celebrados os programas curtos e longos, de forma independente, da modalidade libre de Patinaxe Artística cos respectivos Trofeos Deputación e Trofeos Xunta, é a quenda este sábado 28 de abril de realizar ambos de forma conxunta para os patinadores e patinadoras de Categoría Nacional nos Campionatos Provinciais de A Coruña e Pontevedra, organizados respectivamente por CP Conxuro de A Laracha e CPA Valladares de Vigo.
O programa horario de ambos, no pavillón de Caión no caso de A Coruña e no pavillón de Valladares no de Pontevedra, vén definido pola realización do programa curto durante a mañá para as categorías Cadete, Xuvenil, Junior e Senior, aínda que desta derradeira non haberá participación en Pontevedra. Para a tarde queda o programa longo, que contará con 74 participantes inscritos (43 en A Coruña e 31 en Pontevedra).
#eupatino
