O certame provincial de Patinaxe Artística para as categorías Cadete, Xuvenil, Junior e Senior celébrase este sábado, 29 de abril, en Oleiros (A Coruña) e Vigo (Pontevedra) con 36 e 38 inscritos respectivamente. No primeiro caso, a organización está a cargo do CP Oleiros no pavillón Arsenio Iglesias de Santa Cruz mentres que no segundo, será o Club Castrelos PA quen se encargará de levalo a cabo no pavillón do Carme en Vigo. A primeira hora da mañá realizaranse os adestramentos de todas as categorías para, unha vez finalizados os mesmos, pasar a desenvolver o programa curto de patinaxe libre. A xornada de tarde quedará para o programa longo, tras o cal se fará a entrega de medallas aos primeiros clasificados. Os horarios e a orde de saída poden ser consultados en http://www.artistico.fgpatinaxe.gal/
