O Club Patinaxe Artístico Brincadeira organiza este domingo 25 de xuño o Campionato Autonómico de 2ª Categoría de Grupos Show, que se celebrará ao longo de toda a xornada no Pazo dos Deportes de Riazor da Coruña. Os adestramentos serán pola mañá, de 9:30 a 13:50 horas mentres que a competición se disputará pola tarde, coa apertura de portas para o público desde as 16:30. Os 9 Grupos Grandes inscritos comezarán a partir das 17:00 e ás 18:15 iniciarán as súas actuacións os 17 Grupos Pequenos. A orde de saída pode ser consultada na páxina web de Patinaxe Artística no apartado de Competicións.