Este sábado, 18 de xaneiro, celebrarase a primeira proba da Liga Interprovincial de Patinaxe de Velocidade en Gijón, Asturias, organizada polas Federacións de Patinaxe Asturiana e Galega.
Esta Liga contará con catro probas en Gijón, Oleiros, Oviedo e Betanzos, respectivamente, na que participarán 170 patinadores de trece equipos: sete asturianos, cinco galegos e un de Castela e León.
A primeira proba desta fin de semana terá lugar a partir das 11h. no Patinódromo Manuel F. López de Moreda de Gijón.
