Esta fin de semana, 29 e 30 de marzo, celebrarase a Final Four do Campionato Galego Sub 17 Feminino – Xunta de Galicia de hóckey a patíns no Pavillón Os Campóns, en Cambre, organizada polo HC Cambre.
Os equipos clasificados para xogarse o primeiro posto do Campionato Galego Sub 17 Feminino – Xunta de Galicia son o DP Berenguela Axiltec, o HC Raxoi, o HC Cambre e o HC Borbolla.
Cabe destacar que é a primeira vez que se celebra a Final Four Sub 17 feminina, xa que, ata esta tempada, a categoría nunca había contado con suficientes equipos.
A competición contará co seguinte horario:
Sábado 29:
10:00h. DP Berenguela Axiltec – HC Borbolla
12:00h. HC Raxoi – HC Cambre
Domingo 30:
17:00h. 3º e 4º posto
19:00h. Final
Os equipos que queden nos tres primeiros postos nesta Final Four, clasificaranse para xogar a Fase de Sector contra tres equipos asturianos, que terá lugar do 18 ao 20 de abril no Pavillón Polideportivo de Monte Alto.