O CERS- Rink Hockey confirmou no día de hoxe martes 27 de febreiro que a cidade da Coruña acollerá o Campionato de Europa de categoría Sénior Masculina de Hóckey sobre Patíns, que se celebrará do 14 ou 15 ao 21 ou 22 de xullo, dependendo do número de seleccións nacionais que participen no mesmo. A sede do evento será o Palacio dos Deportes de Riazor, cunha capacidade para case 4.500 persoas.
Esta será a primeira vez que Galicia organice un Europeo Sénior Masculino de Hóckey sobre Patíns, onde si se celebraron tres Campionatos do Mundo, concretamente na Coruña (1972 e 1988) e en Vigo e Pontevedra (2009), aínda que España tamén albergou varios certames continentais ao longo da súa historia en Alcobendas (2014), Oviedo (2008 e 1987), Barcelona (1979 e 1957) e Bilbao (1967).
#eurohockey2018 #OKEuroM #OKCoruna #OKEuro2018 #ACoruña #eupatino
