A 2ª Tecnificación da modalidade Libre de patinaxe artística tivo lugar a pasada fin de semana: o sábado 15 ceberouse na pista do CEIP Barouta, en Ames, e o domingo 16 no Pavillón Polideportivo de Bertamiráns.
Esta tecnificación, a que acudiron un total de 34 patinadores e patinadoras, tiña como obxectivo optimizar a súa preparación, enfocándose no perfeccionamento técnico dos seus programas.
A formación estivo a cargo de Óscar Molins Ruiz, técnico nacional e internacional e membro do Programa de Preseleccións da RFEP.
As responsables da tecnificación foron Amaya Casajús Couce, Sabela Rodríguez Senra e Carla Iglesas Salvador, encargadas e responsables do Programa de Tecnificacións da FGP.
Pola súa banda, a preparación física estivo a cargo de María Nombela, grao en Ciencias da Actividade Física e o Deporte e expatinadora intenacional e preparadora física de patinadores internacionais.
Por último, o Taller de Psicoloxía foi impartido por Tomás Gómez Rodríguez, licenciado en Psicoloxía e profesional con moita experiencia no mundo do deporte e, tamén cocncretamente na patinaxe.
